عام و انقضي: نقول بسم الله

النهارده السبت 26 ديسمبر 2009

يوم في نهايه السنه اللي هاتخلص كمان كام يوم, و دي أول بوست في سلسله هادون فيها كل الحاجات اللي حصلت لي في السنه اللي فاتت, مش علشان هي أحداث عظيمه ولا حاجه, بس هي أعظم سنه عدت عليا لحد دلوقتي, كميه الاحداث اللي حصلت فيها ومقدرش انساها كتير جدا, و فكره اني أدونها هتساعدني في تأريخ الايام دي, علشان تفضل ذكري و مش انساها, سواء كانت ذكري جميله أو غير كده

انا هتكلم عن اللي حصل في السنه,  الاحداث المميزة, اللي مش قادر انساها, و اللي هيساعدني في كده فكرة كنت عملتها زمان, اني كتبت كل حاجه حصلت لي يوم بيوم في السنه دي, طبعاً كان في ايام بتفوت من غير ما اكتب ولا كلمه, بس متهيالي ان اللي انا كتبته كفايه اوي اني أدونه , و اللي سقط من الكتابه أكيد كان حدث اليم او حاجه مش عايز افتكرها

و خلونا نبدأ!

يناير 2009

أول شغلانه

في نهايه السنه اللي فاتت (اللي هي 2008) كنت بدأت شغل مع الفرنسي ستيفن فاسكيز براتب شهري كمبرمج هو بيستعين بيه في شغل هو بيحتاجه علي النت, و كان الشغل معظمه مرتبط بمجال التسويق الالكتروني, الحقيقه الشغل كان ممتع جداً, و انا استفدت كتبر من ستيفن, و لحد دلوقتي, بستفيد منه بالرغم من انقطاع الشغل بيننا, ستيفن كان بيعاملني زي ولاده, و بالرغم من انه كان عصبي جداً, بس كنت بستريح في الساعات الكتير اللي كنت بقضيها في الشغل معاه, و طبعاً الفضل في ده كله يرجع لاول واحد شجعني في دخول مجال الفريلانس (باشمهندسه أميرة طه). ستيفن و انا كنا ثنائي متفاهم انا علمته عربي و هو علمني التسويق الالكتروني, و يرجع الفضل له في اللي انا فيه دلوقتي في مجال التسويق الالكتروني, كان دايماً بيقولي ان لو كان في حد ساعده زي ما هو ساعدني كان هيبقي صاحب اكبر شركه للتسويق  الالكتروني في العالم, و انا ناوي طبق نصايحه علشان أوصل للي هو كان عايز يوصل له.

بدخول السنه الجديده اتعرض عليا شغل هنا في الاسماعيليه في شركه وليده تعمل في مجال تصميم و تطوير مواقع الانترنت, و الصراحه كان عرضهم اقل من راتب ستيفن الشهري بكتير, بس وجود محمد نصر و شريف كانوا كفيلين جداً أني اقبل العرض من غير حتي أي مناقشه للدور بتاعي في الشركه,أو الراتب حتي, برأيي ان العمل في وسطهم كان هيزود خبراتي و فكرة اني شعال في شركه بجد كان مسيطر علي تفكيري, الصراحه كان الموضوع شيق و ده اللي خلاني تخليت عن الشغل مع ستيفن, و دي أول غلطه علي المستوي المهني ارتكبها في السنه دي, و اعتقد في حياتي المهنيه كمان. مش لاني اشتغلت في الشركه, لكن علشان تركت الشغل مع ستيفن و الاسباب افضل ابقيها لنفسي, و مش هقول غير نصيب.

الشغل في الشركه الجديده كان ممتع في بدايته(و مازال ممتع, لكنه اكتسب نوع من الملل بسبب عدم التجديد و حاجات تانيه هتكلم عنها في وقتها), الروح اللي في الشركه تخلي أي حد يشتغل حتي الموت, و دي مش مبالغه, بس كلنا بنحب و نحترم بعض, و مشاركه حد في تحقيق حلم, او الابقاء علي شئ يعني للشخص ده كتير هو بالنسبه لي عمل يستحق أضحي في سبيله, مش بطل, بس احساس السعاده اني اساعد في تحقيق حلم حد انا بحبه و احترمه زي الاسمين اللي قلتهم من شويه احساس لازم تجربه علشان تقدر , كمان العالم ده (عالم البزنس) كان بالنسبه لي جديد و كنت كل يوم بتعلم حاجه جديده, يمكن هو ده اللي انا اقدر أقر اني اتعلمته في خلال وجودي في الشركه . بالاضافه للفرصه اني اشتغل في كيان موجود فعلاً قبل التخرج, مش مجرد مبرمج علي الانترنت بيشتغل مع ناس عمره ما قابلهم. و المرتب اللي باخده من الشركه, بالرغم من انه اقل من مرتب ستيفن, بس بيغطي مصاريفي, و هو المطلوب اثباته في الفترة دي.

شهر يناير انتهي بدخول الترم التاني من السنه الاخيرة في الكليه, الترم التاني اللي حصل لي فيه أجمل و أصعب حاجات عدت عليا في السنه دي,

نكمل المرة الجايه…

و من الوجد ما قتل

كيف أعيش و الوجد رفيقي, كيف استطعم حلاوه الدنيا و مرارة دمع قلبي تملأ دنياي مرارة ,

و الوجد بصدري يكتم انفاسي, يقتل ضحكاتي, و يجعلني اسير, في طريق طويل,

مظلم و بارد لا اري الا ضوء بعيد, لا اكاد اراه بعيون قلبي, انما هي فطرة تخبرني ان ضوء في نهايه الطريق

, اسير وحيداً ارتجف من البرد و الوحده, قلبي يزداد خفقانه كلما اقتربت من مصدر الضوء البعيد

, لا أدري

, ان كان هو الضوء نهايه الاحزان, ام هو ضوء في خيالي صنعته احلامي كي لا اموت من ظلمه الطريق

, و الطريق طويل, اسير ولا أكاد اسير, اتقدم ببطء حذر من وحشه تسكن قلبي و الناس حولي

, ينظرون, يتعجبون, و بعيونهم يسالون “مالك تبدو وحيد, الا نحيط بك, الا نسير بجوارك, كيف تدعي الوحده و نحن حولك؟”

أنظر و لا اجيب, ماذا عساني اقول؟ كيف افسر لهم ما انا به؟

ءاقول اني وحيد؟ كيف وحيد و الناس من حولي؟

ءأقول اني خائف؟ كيف اخاف و الناس يطمئنون بوجودي؟

ام ابوح بسر في داخلي؟ سر يفتك بقلبي و يسبب الوجد القاتل لي؟

ماذا عساني اقول؟ كيف افسر وجد قلبي؟ وجد يفتك بي و يسبب قتلي!

و السر, لست اقول

خليك مع اللي يحبوك

الموضوع ده انا قرأته في مدونه زميل ليا, بيني و بينكم, القصه عجبتني, جداً,  المعاني فيها كتير و الهدف سامي

ذات مرة وقع طائر في غرام وردة بيضاء
فقرر ان يصارحها بحبه
ولكنها رفضت
وقالت انا لا احبك

فظل يصارحها بشكل يومي
واخيرا

قالت له الوردة البيضاء
عندما يصبح لوني احمر سوف احبك ..

وفي احد الايام
اتى الطائر وقطع جناحيه ونشر دمه على الوردة
فتحول لونها الى الأحمر

فأدركت الوردة كم احبها الطائر
لكن الوقت كان قد فات لان الطائر قد مات
لذلك علينا احترام مشاعر الشخص الذي يحبنا
وسيظل يحبنا مهما مرت الايام
قبل ان يموت

كنت دايماً بقول ان لما تعيش مع ناس انت بتحبهم, فده أفضل شعور في الدنيا, و بيني و بينكم, مكنتش دايماً سعيد, ببساطه, لاني بحاول دايماً ارضيهم, و ده اللي احياناً كان بيخليني اتنازل عن كرامتي في بعض المواقف, لاني بحبهم,

طب ليه مكنش انا اللي علي الطرف التاني, انا مع ناس ناس بيحبوني,

مش عايز اظهر انتهازي از شرير او معقد, ببساطه, الناس اللي بيحبوك, هيخلوك عضب عنك تحبهم, لانهم هيحاولوا يرضوك, و يخلوا لحظات حياتك افضل, لانهم بيحبوك.

متبقاش عبيط زي العصفور, و تروح تموت نفسك علشان بتحب الورده, قايمه العشاق اللي ماتوا كبيرة, و اسمك لما يزيد فيها, مش هيزود شئ بالنسبه لك

دور علي اللي بيحبوك و حبهم انت كمان, حياتك هتكون افضل و كمان حياتهم , و هاتكون سعيد لانك في وسط ناس بيحبوك, و هما كمان سعداء لانهم مع الحد اللي بيحبوه

سلام!

أصعب حاجه

ايه اصعب حاجه في الدنيا؟
ممكن ان الواحد يعيش عمرة و بعد شويه يلاقي ان كل اللي عاشه كان مجرد وهم و وقت بيضيع, ساعتها بيحس انه ملوش اي لزمه في الحياة. و ان معني حياته صفر و انه مجرد عاله علي الناس اللي هو عايش ف وسطهم, لانه ببساطه كل الفترة دي مكانش عايش ليهم, كان عايش لمجرد وهم , حاجه في خياله هو, و هو بس و الوهم ده مش هيفيده لانه ببساطه مش هيتحقق أبداً.

الاصعب ان الوهم ده مش بس ميخليش اللي حواليك يستفيدوا بيك, انت ممكن تتسبب بالاذي ليهم, تسبب لهم الهم و الحزن و الاذي و تعذبهم, و السبب مجرد وهم, وهم انت اللي عايشه و عذبتهم معاك بسببه و هما ابرياء و مالهمش ذنب, و ممكن يكونوا غاليين عليك, ساعتها تبقي عملت زي الدب اللي قتلت صاحبها, و ده قمه الغباء

يعني بسبب وهم انت مش بس كنت عديم النفع, لا انت اذيت ابرياء و ممكن تكون قلبت حياتهم و هما مالهومش ذنب,
الاغبي بقي, انك تحاول تساعدهم و تدعي انك خايف عليهم,
التناقض مرعب, و المرعب اكتر انك تكون مؤمن بفكرة انك بتساعدهم,
ساعتها هتكون ببساطه بتتمادي في الغباء و بقمه السذاجه

ساذج و واهم و غبي, هي دي اصعب حاجه في الدنيا

اخر رساله:

أنا اسف لكل حد في الدنيا عاش العذاب بسببي, او سببت له اي اذي في حياته, و ارجوك لو سامحتني علي اي خطأ انا ارتكبته في حقك, ابعت قولي علي الاقل اعرف بيك, او ادعيلي ربنا يهديني من اوهامي دي ويخفف عليا الايام اللي انا عايشها في الدنيا

EED 2009 (Day Zero)

Welcome people,

Yesterday I was in the Day Zero in the 8^th Egyptian Engineering Day which was in International Cairo Confrences Center,

The day was awsome, and it was too much useful for me, it was the MIE projects discussion day, and there was another useeful event,

It was set of confrence to support this year EED’s theme “Bring Innovation to Life”

the confrences and sessions was about upgrade ourselves, as graduates,

• How to build Successful CVGuide Lines to help you when you plan to prepare your CV to prepare for applying for a job, this session was light and the benefits was great too, I’ll talk about the guideline in later post here
• 7 happits of most effective people
• Introduction to EntrepreneurshipHow to start your own bussiness, and own your Own Company, I felt they prepared this session especially for me to help me start my HAMSA, I’ll talk about this later
• How to make a Sales pitchOssama Tantawy, the instructor was very honest, little funny, and Great Instructor, After this session I was to think about change my career from web developer to Sales manager, It was exciting, and nice session to, I’ll write my review about this session later
• ,and E-Markettingmy desired session from this day, although it wasn’t so useful, with respect to the previous sessions, but the tips of the instructor was usefull

The sessions was Great, I hope if I can attend such another day, I like it!

The other side of the event was the IEEE’s MIE (Made In Egypt) competetion, the projects was lot, and I wasn’t so interrested in it, most of them was Engineering Projects, and I’m still a Software Creator

I live the day, I like the sessions and the Instructors, and I’ve spent the most useful day this month.